İtaliyanın paytaxtı Romada faşist diktator Benito Mussolini üçün İkinci Dünya Müharibəsi vaxtı tikilən sığınacaq bərpa edilərək ziyarətçilərin ixtiyarına verilib.
“İki sahil” xəbər verir ki, Mussolininin bir vaxtlar yaşadığı lüks villanın altında tikdirdiyi, lakin heç vaxt istifadə edə bilmədiyi sığınacaqda uzun müddətdir aparılan bərpa işləri tamamlanıb. Turistlər artıq iqamətgahdakı sığınacaqları ziyarət edə bilirlər. Burada Mussolini və ailəsinin villada çəkilmiş fotoşəkilləri sərgilənir. Həmçinin 1943-1944-cü illərdə Romadakı bombardmanların təsvirləri divarlarda proyeksiya olunub.
Qeyd edək ki, villa 1922-1943-cü illərdə İtaliyanı idarə edən Benito Mussolininin istəyi ilə inşa olunub və o, ailəsi ilə 1925-1943-cü illərdə burada yaşayıb.
