Avstraliyanın xarici işlər naziri Penni Vonq Fransanın müstəmləkəsi olan Yeni Kaledoniyada iğtişaşlar davam etdiyi üçün bu gün adaya səfər edəcək vətəndaşları diqqətli olmağa çağırıb.
Azerforum bildirir ki, nazir "Avstraliyalılar Noumeaya səyahət etmək ehtiyaclarını yenidən nəzərdən keçirməli və Yeni Kaledoniyada yüksək dərəcədə ehtiyatlı davranmalıdırlar" deyib:
“Beynəlxalq hava limanı hələ də bağlıdır. Bu mərhələdə hava limanına getməyə çalışmayın. Nümayişlərdən, ictimai toplantılardan və yol bloklarından çəkinin. Səyahəti minimuma endirin və yerli hakimiyyət orqanlarının tövsiyələrinə əməl edin".
Qeyd edək ki, Fransada qəbul edilən yeni qanuna görə, bu ərazidəki fransızlara əyalət seçkilərində səs vermək hüququ verilib. Fransa prezidenti Makron bazar ertəsi bu qanunun müzakirəsindən sonra Yeni Kaledoniyada başlayan iğtişaşlar səbəbindən fövqəladə vəziyyət elan edib.
Fatimə
Azerforum.com
