“Könül Ağayeva təhsil aldığı müddət ərzində dərslərdə müntəzəm iştirak edib”.
SAVASH.ORG xəbər verir ki, bu sözləri Baku TV-yə açıqlamasında Azərbaycan Dövlət Pedaqoji Universitetinin (ADPU) Cəlilabad filialının direktoru Xudayar Sultanlı deyib.
O bildirib ki, Könül fevral ayının 16-dan sonra universitetlə əlaqəni tamamilə kəsib:
“Tələbə Lənkəran Dövlət Universitetinə 2021-ci tədris ilində qəbul olub. İki kurs təhsil aldıqdan sonra ADPU-nun Cəlilabad filialında il yarım təhsilini davam etdirib. Universitetlə əlaqəni kəsdikdən sonra nənəsinin himayəsində yaşadığı üçün məlumat verdik. Məlum olub ki, Könül ailəsi ilə də əlaqəni kəsib. O bu ilin martın 1-də nənəsinə zəng edib, lakin daha sonra onunla əlaqə saxlamaq mümkün olmayıb”.
Qeyd edək ki, meyiti tapılan qadın Cəlilabad rayonu, Muğan kənd sakini 2002-ci il təvəllüdlü Könül Ramin qızı Ağayevadır. O, Cəlilabadda kollecdə təhsil alırmış. K.Ağayeva bu ilin martın 2-dən itkin düşüb.
Daha ətraflı video-materialda:
