Əgər hazırkı münaqişə olmasaydı, Avropa Birliyi Ukraynaya qısa müddətdə namizəd statusu verməzdi.
Axar.az xəbər verir ki, bunu Avropa Birliyinin baş diplomatı Jozep Borrell deyib.
“Müharibənin öz nəticələri var. Onlardan biri bu gün Ukraynaya qısa müddətdə namizəd statusunun verilməsidir. Təbii ki, müharibə və Ukraynanın düşdüyü çox çətin vəziyyət olmasaydı, bu, çox uzun çəkərdi”, - Borrell bildirib.
Borrell AB-nin müharibənin başlanmasından bəri Ukraynaya 96 milyard avro yardım etdiyini də vurğulayıb.
