18-ci əsrin sonunda sənaye inqilabının gətirdiyi yeni dünya nizamını formalaşdıran istehsalın miqdarını artırmaq yarışı fabriklərin həftənin 7 günü, 24 saat, yəni fasiləsiz işləməsinə səbəb oldu.
İndex.az xəbər verir ki, sənaye inqilabından əvvəl kənd təsərrüfatında çalışan işçilərin bir çoxu şəhərə köçərək fabriklərdə işləməyə başladılar. Məhz o zaman artıq iş anlayışı ortaya çıxdı.
Kənd təsərrüfatında günəşin səmadakı mövqeyi ilə müəyyən edilən iş saatları ciddi şəkildə müşahidə olunan növbə sistemi ilə iş vaxtı ilə əvəz olundu. Üstəlik, iş saatları 10 ilə 16 saat arasında dəyişirdi.
Tezliklə məlum oldu ki, meydana çıxan yeni fəhlə sinfinin ağır iş şəraiti davamlı deyil.
Utopik sosialist baxışları ilə böyük təsir bağışlayan Robert Ouen gündə 8 saatdan çox işləməyə etiraz edərək kampaniya başlatdı.
“Səkkiz saat iş, səkkiz saat oyun və 8 saat istirahət!” sloqanı təsirli oldu. Qısa müddət sonra “Ford Motor” iş saatlarını dəyişdi və yeni iş vaxtı standartını 8 saat olaraq təyin etdi.
Məşhur inancın əksinə olaraq, 1914-cü ildə “Ford Motor” tərəfindən tətbiq edilən 8 saatlıq iş günü “Ford Motor”u istehsal yarışında önə çıxardı. Şəraitin yaxşılaşdırılması işçilərin məhsuldarlığını artırdı, onlara daha qısa müddətdə daha çox iş görməyə imkan verdi və nəticədə müəssisənin gəlirliliyi yüksəldi.
Həmişə olduğu kimi uğurlu nəticələrə səbəb olan bu yenilik qısa zamanda çoxlu izləyicilər tapdı. Beləliklə, səkkiz saatlıq iş günü yeni standart kimi müəyyən edildi.
