İtaliya Kubokunun “Atalanta” ilə final oyunundan (1:0) sonra “Yuventus”un baş məşqçisi Massimiliano Alleqri xoşagəlməz hadisə törədib.
Arena.az “Tuttosport” nəşrinə istinadən məlumat verir ki, italyan mütəxəssis bu qəzetin direktoruna təhdid göstərərək, təhqir edib.
İtalyan jurnalist Qvido Vaçaqo, Massimiliano Alleqrinin onu, “Tuttosport” nəşri “həqiqəti yazmasa” onun öhdəsindən gəlməklə hədələdiyini bildirib. Vaçaqonun sözlərinə görə, Alleqri İtaliya Kubokunun “Atalanta” ilə final oyunundan sonra tribunlaraltı məkanda qızışıb və jurnalistin ünvanına ağzına gələni döşəyib:
“Nəcis direktor! Hə, sən yöndəmsiz direktorsan. Öz qəzetinizdə həqiqəti yazın, cəmiyyətin çaldığını yox! Oxucularınızla dələduzluq oynamağın başını buraxın.
Qulaq as, mən səni tapmağa hara gələcəyimi bilirəm. Səni harada gözləyəcəyimi də bilirəm. Mən gəlib sənin qulaqlarını qoparacağam. Gəlib sifətinə qoyacağam. Qəzetdə həqiqəti yazın”, – jurnalist Vaçoqo, Alleqrinin “ədəb buketi”ndən “incilər”i bildirib.
Daha sonra jurnalist Vaçaqo vurğulayıb:
“Biz Tuttosport”da həmişə həqiqəti yazmışıq və onu bəyənə biləcəyimiz və ya bəyənmədiyimiz (elə, Alleqrinin oyunu kimi) fikirlərlə birlikdə yazacağıq. Amma onlar belə olaraq qalırlar, biz isə onları nəzakətlə, kimsəyə calamadan və onlara zidd olmaq istəyində olan kəslərlə dialoqa açıq qalaraq ifadə edirik”, deyə jurnalist bildirib.
