İsrailin Qəzza zolağının cənubunda yerləşən Rəfah yaşayış məntəqəsində quru əməliyyatı əlavə hərbçilərin iştirakı ilə davam edəcək.
“İki sahil” RT-yə istinadla xəbər verir ki, İsrail Müdafiə Nazirliyinin rəhbəri Yoav Qalant mayın 16-da müvafiq bəyanatla çıxış edib.
“Əlavə qoşunlar Rəfahda quru əməliyyatına qoşulacaq. Bu ərazidə bir sıra tunellər artıq dağıdılıb”, - Qalant qeyd edib.
Qalant bildirib ki, Rəfahda quru əməliyyatı HƏMAS hərəkatı məğlub olana və ya girovlar azad edilənə qədər davam edəcək.