Moskva, 16 may, AZƏRTAC
Azərbaycanın ləziz təamları “Rusiya – İslam dünyası: KazanForum2024” forumunda təqdim olunub.
AZƏRTAC xəbər verir ki, forum iştirakçıları İslam dünyası xalqlarının mətbəxi ilə yaxından tanış olmaq fürsəti əldə ediblər.
Forum çərçivəsində yeddi ölkənin, o cümlədən Azərbaycan, Qazaxıstan, Rusiya, Qırğızıstan, Malayziya, Mərakeş, Özbəkistanın yeməkləri təqdim olunub.
Hər qonaq burada öz damaq dadına uyğun yemək seçə və qeyri-adi reseptlərin dadına baxa bilər. Bundan başqa, “food hall”da milli yeməklərin hazırlanması üzrə ustad dərsləri keçirilir.
Fəridə Abdullayeva
AZƏRTAC-ın xüsusi müxbiri
Moskva