Bəzi nüfuzlu Amerika sahibkarları, o cümlədən “SpaceX” və “Tesla”nın baş direktoru İlon Mask Ağ Evin sahibi Co Baydenin ikinci prezidentlik müddətinə necə qarşı çıxacaqlarını müzakirə edirlər.
Maskdan başqa “Andreessen Horowitz” vençur kapitalı fondunun həmtəsisçisi Mark Andreessen və investor Piter Til də həmin görüşdə iştirak edib. Daha sonra Yaxın Şərqdən olan investorlarla görüşdə Andreessen qarşıdan gələn prezident seçkilərində Baydeni dəstəkləməyəcəyini bildirib.
Til Baydenin prezidentlik kampaniyasına pul verməkdən də imtina edib. Onun həmtəsisçisi olduğu “Palantir Technologies” şirkətinin nümayəndələri isə Trampın adamları ilə görüşüb.
