Ötən gecə İtaliya kubokunun finalında "Atalanta" - "Yuventus" oyunundan (0:1) sonra qalmaqal yaşanıb.
QOL.az xəbər verir ki, "Yuventus"un baş məşqçisi Massimiliano Alleqri İtaliyanın “Tuttosport” nəşrinin direktoru Qvido Vaçaqonun üstünə hücum çəkib. Mütəxəssis direktora bu sözləri deyib: “Bəli, direktor! Bəli, siz pis rejissorsunuz. Öz qəzetinizdə cəmiyyətin sizə diktə etdiyini yox, həqiqəti yazın! Oxucuları aldatmağı dayandırın”.
Cavabında Vaçaqo bildirib ki, onun qəzetində həmişə yalnız doğru xəbərlər yayımlanır: "Tuttosport"da biz həmişə həqiqəti yazmışıq. Bəyənsəniz də, bəyənməsəniz də".
