İngiltərədə futbol transferləri mövsümünün yay və qış pəncərələrinin qüvvədə olacağı müvafiq təqvimi – açılış və son tarixləri bəli olub.
Arena.az məlumat verir ki, İngiltərə Futbol Liqasının rəsmi saytı növbəti iki – 2024-cü ilin yay və 2025-ci ilin qış transfer pəncərələrinin tarixlərini açıqlayıb.
Məlum olduğu kimi, İngiltərədə Premyer Liqa və digər futbol liqalarında 2024-cü ilin yay transfer pəncərəsi iyunun 14-də açılacaq və avqustun 30-da, Qrinviç vaxtı ilə saat 23:00-da bağlanacaq. Qarşıdan gələn növbəti, 2024/2025-ci illər mövsümü üçün qış transfer pəncərəsi yanvarın 1-i 2025-ci il tarixində açılacaq və fevralın 3-ü 2025-ci il tarixində, Qrinviç vaxtı ilə saat 23:00-da bağlanacaq.
Xatırladaq ki, 2023/2024-cü illər mövsümündə İngiltərə Premyer Liqasının ümumi transfer balansı mənfi olub. Premyer Liqa klubları oyunçuların alınmasına oyunçuların satışından əldə etdikləri vəsaitdən 1 milyard 350,6 milyon avro məbləğində çox xərc çəkiblər. Xərclərin ümumi dəyəri isə 2,93 milyard avro məbləğ təşkil edib.