Bakı, 16 may, AZƏRTAC
Xorvatiyada aprelin 17-də keçirilmiş parlament seçkilərindən sonra qanunverici orqanın ilk iclası olub. Qordan Jandrokoviç yenidən parlamentin spikeri seçilib.
AZƏRTAC Sinxua agentliyinə istinadla xəbər verir ki, Jandrokoviçin namizədliyini parlamentin 151 deputatından 144-ü dəstəkləyib.
1967-ci il təvəllüdlü Qordan Jandrokoviç hakim Xorvatiya Demokratik İttifaqını təmsil edir. O, ilk dəfə 2017-ci ilin mayında, daha sonra 2020-ci ilin iyulunda ölkə parlamentinin spikeri seçilmişdi.
Qeyd edək ki, Xorvatiya parlamenti birpalatalıdır və dörd il müddətinə seçilir.
