Lənkəran, 16 may, AZƏRTAC
Fəaliyyətə başladığı dövrdən bəri Lənkəran Rayon Mərkəzi Xəstəxanasının (RMX) invaziv kardiologiya şöbəsinə 1859 pasiyent müraciəti olub. 600 kardioloji xəstəyə nəfərə stend qoyulub.
AZƏRTAC xəbər verir ki, bunu İcbari Tibbi Sığorta üzrə Dövlət Agentliyi (Agentlik) və Tibbi Ərazi Bölmələrini İdarəetmə Birliyinin Tibbi planlama departamentinin rəhbəri Hikmət İbrahimli bildirib.
Departament rəhbəri qeyd edib ki, şöbədə ilk dəfə olaraq 3 pasiyentə ürəkdaxili cihaz implantasiyası, 2 pasiyentə ürək ritminin ablasiya ilə invaziv müalicəsi icra edilib: “Ürək-damar cərrahiyyəsi şöbəsi isə fəaliyyətə başladığı vaxtdan indiyədək 118 xəstə qəbul edib. Kardioloji şikayətləri olan 10 xəstə üzərində klapan dəyişilmə, 108 nəfər üzərində də aorta koronar şuntlama əməliyyatı yerinə yetirilib”.