İngiltərənin "Arsenal" klubu komandanın 2024/2025 mövsümündə geyinəcəyi yeni ev formasını təqdim edib.
90deqiqe.Az xəbər verir ki, bu barədə klubun rəsmi saytında bildirilib.
“Klubumuzun əsas simvolunun şərəfinə 1989/1990-cı il mövsümündən bəri ilk dəfə olaraq top şəkli olan ev formamızı təqdim edirik. Ev forması futbolçularımıza təzyiq altında oynamalarını asanlaşdırması üçün nəzərdə tutulub. Bu yüngül formada ən son “Adidas” texnologiyası var və "Arsenal"ın kişi və qadın komandaları ilə sıx əməkdaşlıq nəticəsində yaradılıb", - klubun açıqlamasında deyilir.
"Arsenal" 2023/2024 mövsümü üçün İngiltərə çempionatının turnir cədvəlində ikinci yerdədir. Komanda 37 görüşdə 86 xal toplayıb. “Topçular” “Mançester Siti”dən 2 xal geri qalır.
