Bakı, 16 may, AZƏRTAC
Asiya İnkişaf Bankı (AİB) Hindistanın elektrik paylama sistemini təkmilləşdirmək və elektrik enerjisi təchizatının dayanıqlığını artırmaq üçün 148,5 milyon dollar məbləğində kredit ayrılmasına təsdiqləyib.
AZƏRTAC Sinxua agentliyinə istinadla xəbər verir ki, layihədə 26 mövcud elektrik yarımstansiyasının təkmillədirilməsi, təxminən 770 kilometrlik xətdə iqlimə davamlı keçiricilərin quraşdırılması nəzərdə tutulub.
Layihəyə əsasən, qış aylarında stasionar müalicə imkanlarını artırmaq üçün 24 səhiyyə mərkəzində günəş enerjisi sistemləri və enerjini qənaətlə işlədən elektrik avadanlıqları yerləşdiriləcək.
