İsveçrə məhkəməsi Qambiyanın keçmiş daxili işlər naziri Ousman Sonkonu 20 il müddətinə azadlıqdan məhrum edib.
AZXEBER.COM xarici mətbuata istinadən xəbər verir ki, İsveçrənin Bellinzona Federal Cinayət Məhkəməsi verdiyi hökmdə Sonkonun Cammehin 22 illik ölkə hakimiyyəti dövründə qəsdən adam öldürmə, işgəncə və saxta həbsdə günahkar bilindiyini açıqlayıb.
Məhkəmə Sonkonu insanlığa qarşı cinayətlərə görə 20 il müddətinə azadlıqdan məhrum edib.
2016-cı ilin sentyabrında Qambiyada daxili işlər naziri vəzifəsindən azad edilən Sonko 2016-cı ilin noyabrında İsveçrədən sığınacaq üçün müraciət edib və 2017-ci ilin yanvarında saxlanılıb.
Sonko isə heç bir cinayət törətmədiyini və o dövrdə Qambiyada heç bir insanlığa qarşı cinayət törədilmədiyini iddia edib.
Keçmiş prezident Cammeh 22 iyul 1994-cü ildə hərbi çevrilişlə Qambiyada hökuməti ələ keçirib və 22 il ölkəni idarə edib.
Yahya Cammeh hakimiyyəti dövründə işgəncə, zorlama və məhkəməsiz qətllər kimi müxtəlif hüquqların pozulmasında ittiham edilib və 2016-cı il dekabrın 1-də keçirilən prezident seçkilərində rəqibi Adama Barrouya uduzub.
Nəticələri qəbul etməyən Cammeh hakimiyyətdən getmək çağırışlarını rədd edib.
2017-ci il yanvarın 19-da hakimiyyəti Barrouya təhvil verməli olan Cammeh yanvarın 17-də 90 günlük fövqəladə vəziyyət (OHAL) elan edib. Daha sonra təzyiqlərə tab gətirə bilməyən Cammeh 2017-ci il yanvarın 21-də ölkəni tərk edərək Ekvatorial Qvineyaya gedib.
Mikayıl
