Paşinyan delimitasiyanın hansı xəritə üzrə aparılmasından danışıb

Hurriyyet.az xəbər verir ki, Ermənistanın Baş naziri Nikol Paşinyan Nazirlər Kabinetinin iclasındakı çıxışında Tavuş bölgəsində Azərbaycanla delimitasiya prosesinin 1976-cı il xəritəsi üzrə aparıldığını deyib. Onun sözlərinə görə, bu xəritə  SSRİ dövrünün hüquqi qüvvəyə malik olan yeganə xəritəsidir.
Onun sözlərinə görə, bu xəritələr 1979-cu ildə "növbətçilik prosesi"ndən keçiblər. Paşinyan deyib: "Əgər Ermənistan sovet xəritələrindəki məntiqdən yayınarsa, bu, daimi münaqişələr mənbəyi yarada bilər". 
Paşinyan deyib: "Bizim üçün prinsipial olan ölkələrimiz arasında yeni sərhədin yaranmaması, Almatı bəyannaməsində göstərilmiş sərhədin bərpa olunmasıdır. İndi biz xəritələrə istinad edirik və bu, SSRİ dövrünün hüquqi qüvvəyə malik axırıncı xəritəsidir".
Hürr Tərcüman