Baxır, şoumen deyəndə nəyi nəzərdə tuturlar. Şou özü göstərmək, təqdim eləmək deməkdir. Məsələn, mənim haqqımda belə deyənlər Avropanı, Amerikanı sevən adamlardır. Yaxşı, Tramp özü ən böyük şoumen deyilmi? Yaxud Zelenski kimdir? Birmənalı şəkildə şoumen - aktyor da yox ha, məhz şoumen. Onlara baxanda isə mənim şou elementlərim azdır. Mən sadəcə, inandığımı, ideoloji dəyərlərimi təqdim edirəm.
Bu sözləri Axar.az-a geniş müsahibəsində Ağ Partiyanın sədri Tural Abbaslı “şoumen siyasətçi” olması ilə bağlı suala cavabında deyib.
