Robert Fitsonun həyatı hələ də təhlükədədir
Dünən güllələnən və əməliyyat olunan Slovakiyanın Baş naziri Robert Fitsonun həyatı hələ də təhlükədədir.
"Qafqazinfo" xəbər verir ki, bu barədə məlumatı öz mənbələrinə istinadən "Markiza" telekanalı yayıb.
Bununla belə, siyasətçinin səhhəti ilə bağlı digər detallar açıqlanmayıb.
Xatırladaq ki, mayın 15-də R.Fitsoya qarşı sui-qəsd törədilib. Baş nazirin Leviçe şəhərindən olan 71 yaşlı yazıçı Yuray Çintula tərəfindən güllələndiyi məlum olub. O, hadisəni niyə törətməsi haqda açıqlama verib və hökumətin siyasəti ilə razı olmadığından bu addımı atdığını qeyd edib.
