Müəllif:Ayşən İmanova/Banco.az
Amerikanın elektrikli avtomobil istehsalçısı “Tesla”, son ixtisarlardan sonra “Supercharging” şöbəsinə əsas işçiləri geri işə götürür.
Banco.az xəbər verir ki, “Tesla” Şimali Amerika şarj direktoru Maks de Zeger də daxil olmaqla “Supercharging” komandasının 500-ə yaxın işdən çıxarılan üzvlərini geri qaytarmağa başlayıb. İşdən çıxarılan komandadan neçə nəfərin geri işə götürüldüyü barədə dəqiq məlumat verilmir.
“Superchargers” şəbəkəsinin “Tesla”nın ən uğurlu məhsullarından biri hesab edildiyini nəzərə alsaq, icraçı direktor İlon Maskın təşəbbüsü ilə başlanan ixtisarlar elektrik avtomobil sektorunda şok dalğaları yaratmışdı. Sərt tənqidlərdən sonra Mask bu il şarj stansiyaları şəbəkəsinin inkişafına 500 milyon dollardan çox sərmayə qoyacağını vəd edib.
