Gəncə Ağır Cinayətlər Məhkəməsində Göygöl rayonunda tanışını qətlə yetirməkdə ittiham olunan 1999-cu il təvəllüdlü Cəlal Apiyevin cinayət işi üzrə məhkəmə istintaqı başa çatıb.
Pravda.az-ın əldə etdiyi məlumata görə, hakim Dadaş İmanovun sədrliyi ilə keçirilən prosesdə hökm oxunub.
Məhkəmənin hökmü o, 10 il müddətinə azadlıqdan məhrum edilib.
İttihama görə, 15 fevral 2022-ci il tarixdə Göygöl rayonu ərazisində 2002-ci il təvəllüdlü Cavidan Məmmədov qətlə yetirilib. Onu tanışı Cəlal Apiyevin qətlə yetirməsi müəyyən edilib.
Hadisə Göygöl şəhərində çay evlərindən birində baş verib.
İstintaq orqanı tərəfindən Cəlal Apiyevin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Kamal Məmmədov
Tarix: 16 May 2024, 09:25
