“Həm Ermənistan, həm Azərbaycan sülh prosesini başa düşmək problemi ilə üzləşirlər, çünki onlara onun prinsipləri heç vaxt öyrədilməyib”.
Yeniavaz.com xəbər verir ki, bunu Avropa Yenidənqurma və İnkişaf Bankının bu il İrəvanda keçirilən illik iclasında çıxışı zamanı Ermənistanın Baş naziri Nikol Paşinyan deyib.
Paşinyan vurğulayıb ki, bu sahədə təcrübənin olmaması qeyri-müəyyənlik və narahatlıq yaradır və bu, sülh yolu ilə nizamlanmanın qeyri-mümkün göründüyünə işarə edən tarixi təcrübə ilə daha da güclənir:
“Bununla belə, çoxəsrlik təcrübə göstərdi ki, kosmosda uçuşlar da inanılmazdır, lakin insanlar yeni şeylər öyrənməyə hazır olduqları üçün buna nail olublar. Ermənistanın strategiyası regionun qonşuları ilə iqtisadi inteqrasiyanı dərinləşdirməyə yönəlib”.
Baş nazir həm bu dövlətlərin özləri, həm də regiondan kənar ölkələr üçün əhəmiyyət kəsb edən müxtəlif ölkələrin ərazilərindən keçəcək trans-regional kommunikasiyaların yaradılmasına diqqət çəkib.
