Qızıl və gümüş yenidən ucuzlaşıb.Nyu-Yorkun COMEX əmtəə birjasında qızılın bir troya unsiyasının qiyməti 0,79% azalaraq 2 356,3 ABŞ dollarına bərabər olub.
"APA-Economics" birja məlumatlarına istinadən xəbər verir ki, COMEX-də gümüşün bir unsiyasının qiyməti isə 0,46% azalaraq 28,38 ABŞ dollarına bərabər olub.
Bəs görəsən Azərbaycan qızıl bazarında vəziyyət necədir? Doğrudanmı, qızılın və gümüşün qiyməti ucuzlaşıb?
Məsələ ilə bağl "Moskva" univermağında fəaliyyət göstərən satıcılardan biri ilə əlaqə saxladıq.
O, "Sherg.az"a xəbəri təsdiqləyərək bir vaxtlar qızılın həddən artıq bahalaşdığını söyləyib:
"Doğrudur, indi cuzi ucuzlaşma müşahidə olunur. Əvvəlki dövrlə müqayisədə isə qiymətlər hələ də yüksəkdir. Məsələn, qiymətin artdığı vaxtda qızılın qramını 105-110manat civarında satırdıq. Hazırda isə 100-98 manat aralığındadır. Bazarda alıcı kütləsi isə mövsümlə əlaqədar yaxşı səviyyədədir".
