Bu saatlarda İrəvanda “Vətən naminə” hərəkatın tərəfdarlarının Azadlıq meydanına doğru yürüşü başlayıb.
Reyting.az-ın xəbərinə görə, yürüşə İrəvandakı Surb Anna kilsəsinin həyətindən start verilib və arxiyepiskop Baqrat Qalstanyan da buradan hərəkət edir.
Qeyd edək ki, aksiyanın keçirildiyi ərazidə Ermənistanın baş naziri Nikol Paşinyanın da iştirak edəcəyi Avropa Yenidənqurma və İnkişaf Bankının Beynəlxalq Forumu baş tutmalıdır. Polis bəyanat yayaraq bildirib ki, ictimai asayişin və təhlükəsizliyin təmin edilməsi məqsədilə Akademik Opera və Balet Teatrında keçiriləcək Beynəlxalq Forumla bağlı saat 15:00-dan 20:00-dək teatra bitişik küçələrdə vətəndaşların hərəkəti və hərəkəti məhdudlaşdırılacaq.
Hazırda paytaxt polisi onun göstərişinə qulaq asmayanlara qarşı tədbirlərə başlayıb. Polis etirazçılardan birini döyərək saxlayıb.
Ehtimal olunur ki, polis aksiyanı dağıdacaq və etirazçıların Azadlıq meydanına daxil olmasına imkan cerməyəcək.
E. KAMAL
