İsrail hökuməti BMT Baş Assambleyası Təhlükəsizlik Şurasının Fələstinin qurumun daimi üzvü kimi qəbuluna yenidən baxmağı tövsiyə edən qətnaməsini rədd edib.
Sfera.az xarici mediaya istinadən xəbər verir ki, bu barədə İsrailin Baş naziri Benyamin Netanyahunun ofisinin bəyanatında bildirilib.
Hökumətin qətnaməsi BMT Baş Assambleyasının 2024-cü il mayın 10-da Fələstin Milli Administrasiyasının statusunun yüksəldilməsi və ona adətən BMT-yə üzv dövlətlər üçün ayrılan əlavə səlahiyyətlərin verilməsi barədə qərarlarını rədd edir. Qətnamədə qeyd olunan qərar mübahisəli ərazilərin statusunu dəyişdirmir, Fələstin tərəfinə heç bir hüquq ötürmür, İsrail və yəhudi xalqının “İsrail torpağına” olan hüquqlarını azaltmır. Üçüncü bənddə bildirilir ki, yuxarıda qeyd olunan qərar gələcək danışıqlar üçün əsas olmayacaq və sülh yolu ilə həllə nail olmağa kömək etmir.
Xatırladaq ki, aprelin 4-də Fələstin BMT-yə üzv olmaq üçün müraciət edib. Sənədə bir neçə ərəb dövlətinin dəstək məktubları əlavə edilib. Qeyd olunur ki, Fələstinin BMT-yə qəbulu üçün assambleya üzvlərinin üçdə ikisinin səsi tələb olunur. Mayın 10-da Baş Assambleya Təhlükəsizlik Şurasına Fələstinin BMT-nin tamhüquqlu üzvü kimi tanınmasına yenidən baxmağı tövsiyə edib.
Əzizə Zeynal
