Bu il Azərbaycanda pərakəndə ticarət dövriyyəsi 3 %-dən çox artıb.Bu ilin yanvar-aprel aylarında Azərbaycanda pərakəndə ticarət şəbəkəsində istehlakçılara 17 milyard manatlıq, o cümlədən 9,6 milyard manatlıq ərzaq məhsulları, içkilər və tütün məmulatları, 7,4 milyard manatlıq qeyri-ərzaq malları satılıb.
Mövzu ilə bağlı BiG.AZ-a danışan iqtisadçı ekspert Emin Qəribli bildirib ki, bu, əhalinin sosial rifahının artımının göstəricisidir:
"Ticarət dövriyyəsinin 3 faiz artması göstərir ki, iqtisadi artım gözlənilir.İllik 9 faiz qida, 5 faiz digər məhsullar artıb. Bu, əhalinin sosial rifahının artımının göstəricisidir. Özəl sektorun da payı artmaqdadır. Bu da müsbət haldır. Aparılan islahatlar iqtisadiyyatı qidalandırır. İnanıram ki, artım davam edəcək".
BiG.Az
