Türkiyənin “Qalatasaray” klubunun ulduz hücumçusu Mauro İkardi karyerasını İtaliyada davam etdirə bilər.
Msport.az “La Provinsiya” nəşrinə istinadən xəbər verir ki, 21 ildən sonra A Seriyasına yüksələn “Komo” argentinalı forvardın xidmətində maraqlıdır.
Mənbə İkardinin Komo gölü sahilində investisiyalarının olduğunu da xatırladıb.
31 yaşlı hücumçunun İstanbul klubu ilə müqaviləsinin müddəti 2026-cı ilə qədərdir. O, İtaliyada “İnter”in formasını da geyinib.
