"1 həftə ərzində bir uşaq 20 saatdan artıq telefonla məşqul olursa, onun verdiyi zərər bir narkamanın bədənə vurduğu zərərə bərabərdir."
Həkim-nevropotoloq Sevinc Ərəbi bu sözləri News365.az-a deyib.
"Öz aktuallığını itirməyən problemlərdən biri uşaqların erkən yaşlarda istifadəsinə başladıqları mobil telefon aludəçiliyi və bunun onların gələcəyinə vurduğu ziyanlardır. Hər gün yenilənən son model telefonlar, müxtəlif oyun proqramları, sosial şəbəkələr, yaşları ilə mütənasibləşməyən şəkil və videolar, yeniyetmələrin və gənclərin ayrıla bilmədikləri virtual dünyanın əsas simvollarıdır. Bu simvollar ki, onlardan hədsiz dərəcədə çox istifadə etmək və aludəçisi olmaq məktəblilərə mənfi təsir göstərir və onlarda zamanla assosiallıq xüsusiyyətini formalaşdırır.
Övladlarınızda hiperaktivlik, aqressivlik, səbirsizlik, kəkələmə, və digər nevroloji narahatlıqlar varsa, səbəbi telfona çox baxmaqdır. Bu zaman uşaqlara həkim-nevroloq müayinəsi tövsiyyə olunur"- deyə bildirib.
Vəfa Vəliyeva, News365.az