İntibah dövrü rəssamı Leonardo da Vinçinin dünyaca məşhur Mona Liza tablosu ilə bağlı daha bir sirr açılmış ola bilər.
İncəsənət tarixində ən çox danışılan, ən çox maraq doğuran və ən çox sui-qəsd nəzəriyyəsi olan rəsm haqqında yeni mübahisə gedir. Akademik Leonardo da Vinçinin “Mona Liza” əsərini çəkməsindən 500 il sonra dünyanın ən məşhur sənət əsərlərindən birinin sirrini açdığına inanır.
İncəsənət tarixçiləri bu bölgənin mənzərəsini uzun müddət müzakirə edərək, məşhur rəssamı ilhamlandıra biləcək yerlər haqqında fərziyyələr irəli sürdülər, lakin geoloq və İtalyan İntibah dövrü mütəxəssisi Ann Pizzorusso bunun İtaliyanın şimalındakı Leccoya işarə etdiyini düşünür.
Alimin sözlərinə görə, rəsmdə təsvir olunan tağlı körpü 14-cü əsrə aid Ponte Azzone Visconti körpüsünə uyğun gəlir, baxmayaraq ki, əvvəlki nəzəriyyələr onu İtaliyanın Arezzo və Bobbio kimi digər şəhərlərindəki oxşar tikililərlə əlaqələndirirdi.
Pizzorusso sirri həll etdiyini iddia edən ilk şəxs deyil, lakin o, iddialarını dəstəkləmək üçün geologiya biliklərinə istinad edir. "Mənim üçün körpü şəklin vacib tərəfi deyildi. Digər fərziyyələrdə geologiya tamamilə səhv idi", - ekspert bildirib.
Geoloq, Leccodakı qaya birləşmələrinin rəsmdəki fiqurun arxasında təsvir edilən əhəngdaşı olduğunu müəyyən edib.
“Mona Lizaya baxanda siz Adda çayının bu hissəsini görürsünüz, onun arxasında isə dağların altındakı başqa bir göl görürsünüz, o, mükəmməl şəkildə göstərilmişdir”.
İncəsənət əsərlərinin konservasiyasına nəzarət edən qeyri-kommersiya təşkilatı ArtWatch UK-nin baş icraçı direktoru Maykl Daley Pizzorussonun Da Vinçi üzərində apardığı araşdırmanın “rəssam və alimin nə dərəcədə bir araya gəldiyini mükəmməl şəkildə nümayiş etdirdiyini” söyləyib.
Eltac Zülfüqaroğlu/Turkustan.az
