ABŞ hakimiyyəti ərəb ölkələrini Fələstin-İsrail münaqişəsi başa çatdıqdan sonra Qəzza zolağında sülhməramlı qüvvələrin yaradılmasına qoşulmağa çağırır.
Bu barədə “Financial Times” qəzeti mənbələrə istinadən məlumat yayıb.
“ABŞ prezidenti Co Bayden administrasiyası ərəb dövlətlərini etibarlı Fələstin təhlükəsizlik aparatının gücü çatana qədər boşluğu doldurmaq ümidi ilə, müharibə bitdikdən sonra Qəzzada yerləşdiriləcək sülhməramlı qüvvələrdə iştirak etməyə çağırır”, - materialda deyilir.
Qərb və ərəb rəsmilərinin sözlərinə görə, Misir, Birləşmiş Ərəb Əmirlikləri və Mərakeş təşəbbüsü nəzərdən keçirib.
