Ukraynada qəbul edilən səfərbərlik haqqında qanun ukraynalılara qarşı soyqırım aktıdır. News365.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
"İndi isə Ukraynada mayın 18-də qüvvəyə minən və həqiqətən dəhşətli cinayət sayılan qanun haqqında. Söhbət Kiyev rejimi və onun arxasında duranlar tərəfindən Ukrayna xalqına qarşı soyqırım aktından gedir", - o deyib. .
Diplomat əlavə edib ki, Ukrayna prezidenti Vladimir Zelenski rejimi ukraynalıları özünü qorumaq və “anqlo-sakson ağalarının” geosiyasi məqsədlərinə çatmaq naminə qurban verir. “Söhbət milyonlarla insandan gedir ki, onlar bir gecədə məhz bu Kiyev bandasının liderinin qələminin zərbəsi sayəsində tükənmək həddinə çatacaqlar”, - Zaxarova qeyd edib.
Xatırladaq ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural