İyunun 13-14-də Brüsseldə NATO-ya və Ukrayna-NATO Şurasına üzv ölkələrin müdafiə nazirlərinin görüşü keçiriləcək.
Yeniavaz.com xəbər verir ki, bu barədə NATO-nun mətbuat xidməti məlumat yayıb.
Məlumata görə, iyunun 13-14-də NATO, iyunun 13-də isə Ukrayna-NATO Şurası müdafiə nazirlərinin görüşü baş tutacaq. Görüş NATO baş katibİ Yens Stoltenberqin sədrliyi ilə keçiriləcək.
Görüş planlı və illik xarakter daşıyır. Eyni zamanda, birinci gün Ukrayna-NATO Şurasının iclası nəzərdə tutulur. Halbuki bu günə qədər alyansda müttəfiq olmayan dövlətlərlə bütün görüşlər ikinci gün keçirilib.
Alyans görüşün mövzularını açıqlamayıb, ancaq proqramın daha sonra təqdim olunacağını qeyd edib.
Ancaq bundan əvvəl Brüsseldəki mənbənin verdiyi məlumata görə, iyunda müdafiə nazirləri Ukraynadakı döyüş zonasındakı mövcud vəziyyəti, Kiyevə hərbi təchizatın sürətləndirilməsini, habelə alyans dövlətlərinin özlərinin müdafiə planlarının yenilənməsini müzakirə etmək niyyətindədirlər.
Bu müzakirə NATO-nun iyulda ABŞ-də keçiriləcək sammitindən əvvəl saatların sonuncu sinxronizasiyası olacaq. Burada alyans, xüsusən də, Kiyevə hərbi təchizat üçün 100 milyard dollarlıq fond yaratmaq niyyətindədir.

• tags
• tags