Arktika arxipelaqında xüsusi mülkiyyətdə olan sonuncu torpaq sahəsi 300 milyon avroya satışa çıxarılıb.
Publika.az xəbər verir ki, arxipelaq Norveçin materik hissəsi ilə Şimal qütbü arasında yerləşir. Dəniz buzlarının əriməsi ilə yollar açılır və onun həm strateji, həm də geosiyasi əhəmiyyəti artır.
Satış elanında deyilir: "14,830 hektar ərazi əhəmiyyətli ekoloji, elmi və iqtisadi əhəmiyyətə malikdir".
Torpaq Svalbardın qərbindəki Vedel-Jarlsberqdə yerləşir. Norveçin paytaxtı Osloya müntəzəm reyslərlə arxipelaqın ən böyük əhali mərkəzi olan Longyearbyendən qayıqla üç saat ərzində çatmaq olar.
