Hindistan İran limanı vasitəsilə Mərkəzi Asiyaya yol açır. Belə ki, Hindistan İranla İranın Hind okeanındakı Çabahar limanını on il müddətinə işlətmək üçün müqavilə imzalayıb.
“India Ports Global” yəni IPGL Hindistan mallarının bu liman vasitəsilə Əfqanıstana və Mərkəzi Asiya ölkələrinə və əksinə tədarükü üçün tranzit əməliyyatlarını həyata keçirəcək. Bu, Hindistanın nəzarətinə keçən ilk xarici limandır.
Hindistanın Mərkəzi Asiya ilə ticarəti 2 milyard dollar, Çinin regionla ticarəti 90 milyard, Rusiyanın ticarəti isə 44 milyard dollara çatıb. İran limanı Hindistan üçün böyük əhəmiyyət kəsb edir, çünki o, rəqibləri olan Çin və Pakistandan yan keçərək Orta Asiyaya gedən yoldur.
Ülviyyə, Hurriyyet.az
