Şəki, 15 may, Mustafa Dadaşov, AZƏRTAC
Mayın 18-19-da ümumi təhsil müəssisələrinin IV və VI sinif şagirdləri üçün keçiriləcək monitorinqlərdə Şəki-Zaqatala Regional Təhsil İdarəsi üzrə, ümumilikdə, 16 min 463 şagirdin iştirakı nəzərdə tutulur.
Bu barədə AZƏRTAC-ın bölgə müxbirinə Regional Təhsil İdarəsinin məsul əməkdaşı Mahal Məmmədov məlumat verib.
Qurumun əməkdaşı bildirib ki, monitorinqlərdə IV siniflər üzrə 8 min 168, VI siniflər üzrə isə 8 min 295 şagird iştirak edəcək. Monitorinqlər ümumi təhsil müəssisələrinin IV siniflərində tədris dili və riyaziyyat, VI siniflərində isə tədris dili, riyaziyyat və təbiət fənləri üzrə təşkil olunacaq.
