Mayın 14-də elan olunmamış səfərlə Ukraynaya gedən ABŞ dövlət katibi Entoni Blinken axşam saatlarında Kiyev barlarından birində səhnəyə çıxıb, gitara çalıb və Nil Yanqın 1989-cu ilin hitlərindən olan “Rockin’ in the Free” mahnısını ifa edib. Vətəninfo.az xəbər verir ki , bu barədə “FoxNews” məlumat yayıb.
Bundan əvvəl Blinken Ukraynanın yüksək rütbəli liderləri ilə görüşüb və o, ölkə prezidenti Vladimir Zelenskini əmin edib ki, yaxın gələcəkdə Amerikanın daha çox hərbi yardımı Ukraynaya çatacaq və bu, döyüş meydanına böyük təsir göstərəcək. Öz növbəsində Zelenski Vaşinqtondan iki Patriot sistemi istəyib.
