Mayın 15-nə keçən gecə Ukrayna Müdafiə Nazirliyinin Baş Kəşfiyyat İdarəsinin pilotsuz təyyarələri Rusiyanın Rostov vilayətində yanacaq bazasına hücum edib.
Publika.az xəbər verir ki, bu məlumatı “Ukrayinska Pravda” Baş Kəşfiyyat İdarəsinə istinadən yayıb.
“Hədəflər vurulur, rus işğalçılarının hərbi məqsədlər üçün istifadə etdiyi obyektdə yanğın davam edir”, - məlumatda deyilir.
Rostov vilayətinin yerli hakimiyyət orqanları yanacaq anbarında iki partlayışın baş verdiyini bildiriblər.