Bakıda Ümummilli Lider Heydər Əliyevin xatirəsinə həsr olunmuş “Dəmir yumruq” adlı üzgüçülük turniri keçirilib. Tədbir “Baku Oxford School” məktəbinin meydançasında Bakıdakı Rus evi, “PUSH30” İdman Mərkəzi və “VEQAS” İdman Kompleksinin dəstəyi ilə “Qarabağ” Vaterpol Klubu tərəfindən təşkil olunub.
AZƏRTAC Rusiya İnformasiya-Mədəniyyət Mərkəzinə (RİMM) istinadla xəbər verir ki, Bakıdakı Rus evinin rəhbəri İrek Zinnurov yarış iştirakçıları qarşısında çıxış edib.
Müsabiqənin qalibləri xatirə hədiyyələri ilə təltif olunublar.
Turnirdə 28 klubun müxtəlif yaş kateqoriyasına daxil olan 240 idmançısı iştirak edib.
