ChatGPT chatbotunu hazırlayan OpenAI şirkətinin elmi direktoru və təsisçilərindən biri İlya Sutskever təşkilatdan istefa verdiyini açıqlayıb.
Bu barədə o, X sosial şəbəkəsində yazıb.
“Təxminən on ildən sonra mən OpenAI-dən ayrılmaq qərarına gəldim”, – bəyanatda deyilir. Sutskever tezliklə yeni işi ilə bağlı əlavə təfərrüatları təqdim edəcəyinə söz verib.
OpenAI-nin qurucusu Sam Altman da sosial mediada təsdiqləyib ki, Yakub Paczocki şirkətin baş elmi işçisi kimi Sutzkeverin yerini tutacaq.
OpenAI, 2022-ci ilin noyabr ayının sonunda istifadəyə verildikdən dərhal sonra populyarlaşan və bir həftədən az müddətdə ilk milyon istifadəçisini cəlb edən ChatGPT chatbotunu yaratmaqla məşhurlaşdı. 2015-ci ildə OpenAI-nin həmtəsisçilərindən biri amerikalı milyarder İlon Mask olub və sonradan şirkətlə əlaqələri kəsib.
Mənbə: Autotech