İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ölkənin aparıcı karqo şirkətlərindən biri olan “Star Express Azərbaycan” MMC barəsində İnzibati Xətalar Məcəlləsinin 447.0.9.-cu maddəsinə əsasən protkol tərtib edib.
Yeniavaz.com Xidmətdən açıqlanan məlumata istinadən xəbər verir ki, “Star Express Azərbaycan” MMC “İstehlakçıların hüquqlarının müdafiəsi haqqında” Azərbaycan Respublikası Qanununun 14-cü maddəsinin 1-ci bəndinin tələblərini pozub.
Belə ki, “Star Express Azərbaycan” MMC müştərilərdən nağd formada ödənişləri qəbul etməkdən imtina edib.
Dövlət Xidmətinin tərtib etdiyi protokola əsasən “Star Express Azərbaycan” MMC-nin 4 000 manatdan 6 000 manatadək məbləğdə cərimə ediləcəyi gözlənilir.
Məlumat üçün bildirək ki, 15 mart 2001-ci ildə dövlət qeydiyyatına alınan “Star Express Azərbaycan” MMC-nin nizamnamə kapitalı 778 min 434 manat təşkil edir. MMC-nin qanuni təmsilçisi Niftəliyev Sabir Hüseynqulu oğludur.

Elnur Əli

• tags
• tags