İrəvan Rusiya sərhədçilərinin müvəqqəti əməliyyat qruplarını çıxarmağı xahiş edib.
APA-nın Moskva müxbiri xəbər verir ki, bunu Rusiya Federal Təhlükəsizlik Xidmətinin direktoru Aleksandr Bortnikov təsdiqləyib.
Onun sözlərinə görə, Rusiya sərhədçilərinin müvəqqəti əməliyyat qruplarının çıxarılması haqqında qərar qəbul edilib.
Bortnikov onu da bildirib ki, Rusiya sərhədçilərinin bir hissəsi Ermənistanda qalacaq, onlar Ermənistanın Türkiyə və İranla sərhədini qoruyacaqlar.
