Polşanın cənubundakı “Myslowice-Wesola” mədənində səhər saatlarında çökmə baş verib.
"Cebhe.info" xəbər verir ki, çökmə baş verən ərazidə 15 mədənçidən 11-i xilas olub, 4 mədənçi isə çökmə sahəsində qalıb. Qaçmağı bacaran mədənçilərdən 9-u yüngül xəsarətlərlə yaxınlıqdakı xəstəxanalarda müalicə olunub. Təxminən 870 metr dərinlikdə baş verən çökmədə qapalı qalan işçilər üçün axtarış-xilasetmə işlərinə başlanılıb.
Komandaların səhər saatlarında çıxara bildiyi bir mədənçi yaralı olaraq xəstəxanaya aparılıb. Dağılma və metan qazının partlama riskinin hələ də olduğu mədəndə çətinliklə çalışan xilasetmə qrupları 2 mədənçinin cəsədlərinə çatıb. Qapalı vəziyyətdə qalan dördüncü mədənçinin axtarışları davam edir.
