“Azərbaycan və Ermənistan arasında davamlı və hərtərəfli sülhə nail olmaq ATƏT üçün əsas prioritetlərdən biridir. Biz iki ölkənin dövlət sərhədinin delimitasiyası prosesinin başlanmasını çox müsbət qarşılayırıq, növbəti həftələr və aylar bu proseslər daha da intensivləşəcək”.
İqtisadiyyat.az xəbər verir ki, bu barədə ATƏT-in fəaliyyətdə olan sədri, Malta Respublikasının xarici, Avropa işləri və ticarət naziri İan Borq Azərbaycanın xarici işlər naziri Ceyhun Bayramovla danışıqların yekunlarına dair mətbuat konfransında bildirib.
Gözəl Həşimova
