London, 14 may, AZƏRTAC
Çinin Böyük Britaniyadakı səfiri Çjen Çzequan Böyük Britaniyanın Xarici İşlər Nazirliyinə (XİN) çağırılıb.
AZƏRTAC xəbər verir ki, bu barədə Britaniya hökumətinin saytında yer alan məlumatda bildirilir. Buna səbəb mayın 13-də Honq-Konqa casusluqda ittiham olunan üç nəfərin saxlanılması olub.
XİN-in sözçüsü bildirib ki, Xarici İşlər Nazirliyi Çin tərəfindən Böyük Britaniyaya qarşı yönəlmiş son davranış modelinin, o cümlədən kiberhücumlar, casusluq əlaqələri haqqında hesabatlar və mükafatlar verilməsinin qəbuledilməz olduğunu müəyyən etməkdə birmənalı idi.
Qeyd edək ki, mayın 13-də Çi Leunq Vai, Metyu Triket və Çunq Biu Yuen Honq-Konq kəşfiyyat xidmətinə maddi yardım göstərə biləcək məlumatların toplanması, izləmə və aldatma aktları iddiaları ilə saxlanılıb.
Aytən Abbaslı
AZƏRTAC-ın xüsusi müxbiri
London
