Bu fikirləri politoloq Tural İsmayılov Olaylar.az-a açıqlamasında bildirib:
"Azərbaycan yaşıl enerji keçid, iqlim məsələləri, sağlam ətraf mühit məsələlərini daim təşviq edir: Azərbaycan dövlətinin siyasətində iqlim gündəliyi həmişə ön planda olub. Eyni zamanda, Azərbaycanda Heydər Əliyev Fondu da daim iqlim məsələləri və ekologiya məsələlərinin müxtəlif layihələrində və tədbirlərində ön planda saxlayıbdır və bütövlükdə Azərbaycan ekoloji məsələlərdə həssaslıqla bağlı gözəl bir nümunəni örnəyi yaradıbdır. Əslində elə dünyanı qlobal istiləşmə və eyni zamanda, ekoloji məsuliyyətsizliyə görə Yer kürəsini gözləyən təhdidlər fonunda Azərbaycan həm də yaşıl dünya naminə həmrəyliyin vacibliyini bir daha bütün dünyaya xatırlatmış olur. Eyni zamanda, cənab Prezident tərəfindən COP29 keçirildiyi ildə 2024-cü ilin Yaşıl dünya naminə həmrəylik ili elan edilməsi Azərbaycanın bu mövzudakı həssaslığını və eyni zamanda, ali iradəsini növbəti dəfə nümayiş etdirir. Əlbəttə, COP29 kimi BMT səviyyəsində olan ən güclü tədbirlərdən birinin Azərbaycanda keçirilməsi fonunda ölkəyə qarşı maraq da çoxalır. Təəssüflər olsun ki, bəzi məmurlar, özəlliklə belə həssas bir dövrdə vəzifələrindən sui-istifadə etməyə çalışırlar. Amma Baş Prokurorluğun da yaydığı məlumatdan görürük ki, Qusarda meşələrin pulsuz kəsilməsi faktı da daxil olmaqla, Azərbaycan ekologiyasına ziyan vuran insanlar cinayət məsuliyyətinə cəlb edilirlər və bundan sonra da qanun qarşısında cavab verəcəklər.