Fələstinlilərin aclıqla mübarizə apardığı bir vaxtda İsraildəki ifrat sağçı qrupların Qəzzaya gedən ərzaq yardımlarını məhv etmələrinin görüntüləri böyük reaksiyaya səbəb olub.
"Unikal" xəbər verir ki, israilli ifrat sağçılar İordan çayının qərb sahilində Qəzzaya gedən yardım karvanını dayandırıb, ərzaq və dərman qutuları yararsız hala salıblar.
İsrailin Hebrondakı keçid məntəqəsində çəkilən görüntülər ABŞ-nin da reaksiyasına səbəb olub. Ağ Ev bildirib ki, talan görüntüləri “çox dəhşətli”dir.
Qəzzada ölənlərin sayı 35 mini keçərkən, BMT qorxunc aclıq fəlakətinin qapıda olduğu barədə xəbərdarlıq edir.
