Şəkidə atasını qətlə yetirməkdə təqsirləndirilən Katıf Gülməmmədlinin cinayət işi üzrə ibtidai istintaq başa çatıb.
E-huquq.az-ın məlumatına görə, iş üzrə toplanmış materiallar baxılması üçün Şəki Ağır Cinayətlər Məhkəməsinə göndərilib.
İş hakim Xaliq Məmmədovun icraatına verilib. Məhkəmənin hazırlıq iclasının vaxtı hələlik məlum deyil.
Qeyd edək ki, 1998-ci il təvəllüdlü Katıf Gülməmmədli ötən ilin may ayında aralarında yaranmış mübahisə zamanı atası 1959-cu il təvəllüdlü İsmayıl Gülüyevi boğaraq qəsdən öldürməkdə təqsirləndirilir. O, şübhəli şəxs qismində tutularaq istintaqa cəlb edilib. Katıf GülməmmədliYƏ qarşı Cinayət Məcəllləsinin 120.1-ci (qəsdən adam öldürmə) maddəsi ilə ittiham irəli sürülüb.
Şəbnəm Mehdizadə
