Kardioloq, professor Olqa Bokeriya orqanizmi potensial toksinlərdən təmizləmək üçün qaraciyərin işini dəstəkləyən məhsulları sadaladı.
E-saglam.az xarici mediaya istinadən həmin məhsulların siyahısını və faydalarını təqdim edir:
Yumurta
Yumurta qaraciyər üçün ən yaxşı qidalardan biridir. Səhər yeməyində qaynadılmış yumurta yemək qaraciyər xəstəliklərinin (yağlı hepatoz) qarşısını almaq üçün faydalıdır. Bu məhsul qaraciyərə təbii hepaprotektor kimi təsir edir, orqanın bərpaedici funksiyasını dəstəkləyir və piylərin yığılmasının qarşısını alır.
Çuğundur
Həkim çuğundurun özünü qaraciyərin iltihabının qarşısını alan ən yaxşı məhsullardan biri adlandırıb.
Sarımsaq
Onun sağlamlığına töhfə verən başqa bir “superfood” sarımsaqdır. İstehlak edildikdə, bədən qaraciyəri zərərli sərbəst radikalların yaratdığı oksidləşdirici stressdən qoruyan bir antioksidan olan glutatyonun istehsalını artırır. Bu, qaraciyərin fəaliyyətini yaxşılaşdırır, onu iltihaba daha az həssas edir. Yaşlandıqca bədənin glutatyon istehsal etmək qabiliyyəti azalır və glutatyon səviyyəsini artırmağın sadə və effektiv yolu diyetinizə sarımsaq əlavə etməkdir.
Limon
Limon da qaraciyər üçün ən yaxşı qidalar arasındadır. Qaraciyər infeksiyalarına qarşı müqaviməti artırmaq üçün immunitet sistemini doldura bilən vitamin və minerallarla zəngindirlər. Limon suyu qaraciyər tərəfindən süzülən qanı incələşdirir. Qaraciyər funksiyası pozulursa, qan qalınlaşır və qan laxtaları əmələ gəlir.
Balıq
Bundan əlavə, yağlı balıq yemək lazımdır: qızılbalıq, halibut, siyənək, skumbriya - onların tərkibində olan omeqa-3 yağ turşuları qaraciyərin vəziyyətinə müsbət təsir göstərir.
Professor Bokeriya həmçinin bitki cücərtilərini - cücərmiş buğda, yulaf, qarabaşaq yarması, noxud, yaşıl soğan, təzə turşəng, çuğundur yarpaqlarını yeməyi tövsiyə edib.
Tərcümə etdi: Könül Oruc