İsveçin baş naziri Ulf Kristersson nüvə silahının İsveç ərazisində yerləşdirilməsinə yaşıl işıq yandıraraq Moskvanı qəzəbləndirib. Rusiyanın xarici işlər naziri Sergey Lavrov “Qərb Ukrayna uğrunda döyüş meydanında vuruşmaq istəyirsə, Rusiya buna hazırdır” deyərkən, Qərb mediası Avropa ölkələrinin mümkün münaqişəyə hazırlaşdığını iddia edib.
Turkustan.az xəbər verir ki, Ukraynanın çox gözlədiyi 61 milyard dollarlıq ABŞ hərbi yardım paketi aprel ayında Senat tərəfindən qəbul edilib. Böyük Britaniya da bu yaxınlarda Ukraynaya 500 milyon funt sterlinq əlavə maliyyə verəcəklərini elan edərək, bu günə qədərki ən böyük müdafiə dəstəyi paketini elan edib.
Resurslarını tükənmiş və ciddi sursat çatışmazlığı yaşayan Kiyev bütün diqqətini Qərbdən gələn yardıma yönəltdiyi halda, Rusiyanın xarici işlər naziri Sergey Lavrov dünən diqqətçəkən bir açıqlama verərək , “Qərb Ukrayna uğrunda döyüş meydanında döyüşmək istəyirsə , Rusiya buna hazırdır ".
Dövlətə məxsus RİA xəbər agentliyinə danışan rusiyalı nazir bildirib ki, gələn ay Moskvanın iştirakı olmadan İsveçrədə keçiriləcək “Ukrayna Sülh Danışıqları” Moskvaya verilən ultimatumdur.
Lavrov vəziyyəti o, sinifdə olmayan zaman taleyini müəllimlər təyin edən “məktəbli uşağın danlaması” ilə müqayisə edərək, “Siz heç kimlə, xüsusən də bizimlə belə danışa bilməzsiniz ” deyib.
Rusiya qoşunlarının ötən həftə Ukraynanın şərqinə qəfil qurudan hücumundan sonra Rusiya ilə Qərb arasında söz savaşı daha da şiddətlənib. Bu gün Qərb mətbuatında yer alan təhlillərdə rusiyalı nazirin sözləri “çağrı” kimi qiymətləndirilib və zamanla diqqət çəkilib.
Eltac Zülfüqaroğlu/Turkustan.az
