Ermənistan polisi bu gün səhər saatlarından etibarən İrəvan küçələrində keçirilən etiraz aksiyasının 38 iştirakçısını saxlayıb.
Bu barədə ölkənin Daxili İşlər Nazirliyi məlumat yayıb.
09:48
Ermənistan polisi baş naziri Nikol Paşinyanın istefasını tələb edən müxalifət fəallarını saxlamağa başlayıb.
Bu barədə Ermənistan KİV-i məlumat yayıb.
Hələlik qeyri-rəsmi informasiyaya görə, bu gün saxlanılanların sayı 50 nəfərə yaxındır.
09:26
Bu gün səhər saatlarından etibarən Ermənistanda vətəndaş itaətsizliyi aksiyası başlayıb.
Bu barədə erməni bloqer Mika Badalyan öz "Telegram” kanalında məlumat paylaşıb.
O qeyd edib ki, aksiya "Vətən üçün Tavuş” hərəkatına dəstək məqsədilə həyata keçirilir.
Qeyd edək ki, təkcə ötən gün keçirilən aksiyada 150-dən çox etirazçı saxlanılmışdı.
